Лідарка венесуэльскай апазіцыі гатовая аддаць Трампу сваю Нобелеўскую прэмію

• 6.01.2026, 12:34

Марыя Карына Мачада хоча як мага хутчэй вярнуцца на радзіму.

Венесуэльская апазіцыянерка Марыя Карына Мачада прапанавала прысудзіць Нобелеўскую прэмію міру прэзідэнту ЗША Дональду Трампу.

Пра гэта паведамляе Fox News.

Паводле слоў апазіцыянеркі, яна лічыць дзеянні Трампа «гістарычнымі», бо, на яе думку, яны адкрылі шлях да дэмакратычных змяненняў у Венесуэле.

«Гэта важны крок да дэмакратычнага пераходу, і я хачу, каб амерыканскі народ гэта зразумеў. Гэтая ўзнагарода належыць венесуэльскаму народу, і мы хочам уручыць яе яму і падзяліцца ёю з ім», — заявіла Мачада.

Яна таксама адзначыла, што намерваецца як мага хутчэй вярнуцца ў Венесуэлу пасля змены ўлады ў краіне.