Беспілотнікі ЗСУ атакавалі нафтабазу ў Ліпецкай вобласці

• 6.01.2026, 8:04

Успыхнуў пажар.

У ноч на аўторак, 6 студзеня, беспілотнікі ўдарылі па нафтабазе ў Ліпецкай вобласці РФ. На месцы ўдару ўспыхнуў пажар.

Пра гэта паведамляе расійскае выданне Astra.

Адзначаецца, што пажар успыхнуў на тэрыторыі ТАА «Усманская нафтабаза», якая знаходзіцца ў вёсцы Стралецкія Хутары.

Губернатар Ліпецкай вобласці Ігар Артамонаў пацвердзіў атаку БПЛА і заявіў, што пасля «падзення беспілотніка» адбылося ўзгаранне на прамысловым аб’екце ў Усманскім акрузе.

Які менавіта аб’ект быў уражаны, Артамонаў не ўдакладніў.

Паводле інфармацыі Astra, Усманская нафтабаза займаецца продажам, захоўваннем і перавалкай нафтапрадуктаў, а таксама прадастаўляе паслугі па іх перавозцы ўласным аўтатранспартам.