Амерыканскі сенатар з’явіўся ў эфіры Fox у кепцы з надпісам «Зробім Іран зноў вялікім»

• 5.01.2026, 19:06

Фотафакт.

Амерыканскі сенатар Ліндсі Грэм з’явіўся ў эфіры тэлеканала Fox News у кепцы з надпісам «Зробім Іран зноў вялікім».

«Я малюся і спадзяюся, што 2026 год стане годам, калі мы зноў зробім Іран вялікім», — сказаў сенатар.

Да гэтага прэзідэнт ЗША Дональд Трамп заявіў, што ЗША могуць нанесці ўзброены ўдар па Ірану ў выпадку з’яўлення ахвяр сярод насельніцтва падчас пратэстаў.

Напрыканцы снежня ў Іране пачаліся пратэсты на фоне дэвальвацыі мясцовай валюты. Пратэсты ахапілі больш за 60 гарадоў у 25 правінцыях краіны. Найбуйнейшыя акцыі праходзяць у Тэгеране, а найбольш жорсткія сутыкненні зафіксаваныя на захадзе і паўднёвым захадзе (гарады Малекшахі, Керманшах, Лордэган).