На трасе пад Мінскам сутыкнуліся два аўтамабілі і трактар

• 5.01.2026, 18:29

Рух у бок Дзяржынска ўскладнены.

ДАІ Мінскай вобласці паведаміла пра аварыю, якая адбылася на 25-м кіламетры трасы Р1 (Мінск — Дзяржынск) на тэрыторыі Дзяржынскага раёна. Удзельнікамі ДТЗ сталі два транспартныя сродкі і трактар.

Рух у бок Дзяржынска ўскладнены, удакладняе Дзяржаўтаінспекцыя.

Аварыя адбылася каля 11:40. 57-гадовы кіроўца ГАЗа ехаў у накірунку Дзяржынска. Паводле версіі ДАІ, пры ўзнікненні перашкоды ў выглядзе трактара МТЗ з прычэпам-бочкай 57-гадовы кіроўца ГАЗа не знізіў хуткасць і сутыкнуўся з ім.

Ад удару трактар з прычэпам перакуліўся на праезную частку і пашкодзіў папутны BMW, які рухаўся ў крайняй левай паласе пад кіраваннем 44-гадовай мінчанкі.

У выніку ДТЗ ніхто не пацярпеў.