Сенатар Грэм пацвердзіў, што ЗША прапанавалі Мадуру з'ехаць у Турцыю
- 5.01.2026, 10:57
Але дыктатар вырашыў кінуць выклік Трампу.
Сенатар Ліндсі Грэм заявіў, што венесуэльскі дыктатар Нікалас Мадура мог з'ехаць у Турцыю, але адмовіўся ад такой прапановы.
Пра гэта ён заявіў на борце самалёта прэзідэнта ЗША Дональда Трампа, паведамляе BBC.
Ён лічыць, што для Мадуры было б правільней прыняць прапанову ЗША аб выездзе ў Турцыю.
«Ён вырашыў кінуць выклік Трампу і амерыканскім вайскоўцам, і цяпер яго задніца ў турме», — заявіў сенатар Грэм.
Раней газета New York Times пісала, што 23 снежня амерыканскія ўлады прапанавалі Мадуру пакінуць пасаду і з'ехаць у Турцыю, але ён не пагадзіўся.