Times: Аятала Хаменеі рыхтуецца ўцякаць

• 5.01.2026, 19:24

Магчыма, у Маскву.

Вярхоўны лідар Ірана аятала Алі Хаменеі распрацаваў план эвакуацыі з краіны на выпадак, калі іранскім сілавікам не ўдасца падавіць пратэсты. Пра гэта паведаміла газета The Times са спасылкай на даклад разведкі.

У артыкуле гаворыцца, што 86-гадовы іранскі лідар плануе ўцячы з Тэгерана ў суправаджэнні найбліжэйшага атачэння, якое складаецца з 20 памочнікаў і членаў сям'і, калі ён убачыць, што армія і сілы бяспекі пачнуць пераходзіць на бок пратэстоўцаў або перастануць выконваць загады.

«Хаменеі ўцякае ў Маскву, бо для яго няма іншага месца», — заявіў газеце Бені Сабці, які дзесяцігоддзямі служыў у ізраільскай разведцы пасля ўцёкаў з Ірана праз восем гадоў пасля ісламскай рэвалюцыі.

План уцёкаў, як адзначае Times, заснаваны на досведзе ўцёкаў зрынутага ў снежні 2024 года сірыйскага дыктатара Башара Асада, які ўцёк з Дамаска ў Маскву, каб уз'яднацца са сваёй сям'ёй, перш чым сталіца краіны была захоплена.