Сабаленка расплакалася пасля таго, што адбылося ў фінале

• 31.01.2026, 17:16

Беларуска не стрымала эмоцый пасля вырашальнага матча.

Першая ракетка свету Арына Сабаленка не стрымала эмоцый пасля паразы ў фінале Australian Open-2026. 27-гадовая беларуска ў трох сетах саступіла лепшай тэнісістцы Казахстана Алене Рыбакінай (№5 WTA) і расплакалася.

Пасля заключнага разыгрышу, у той час, як Рыбакіна прымала віншаванні ад трэнераў і сваякоў, Сабаленка села на сваё месца і накрыла твар ручніком.

Як паведамляў сайт Charter97.org, вырашальная сустрэча Адкрытага чэмпіянату Аўстраліі па тэнісе ў жаночым адзіночным разрадзе цягнулася больш за дзве гадзіны і скончылася з лікам 4:6, 6:4, 4:6.