Купянск-Вузлавы — пад поўным кантролем ЗСУ

• 31.01.2026, 10:20

Расіян зачышчаюць.

Пасёлак Купянск-Вузлавы Харкаўскай вобласці знаходзіцца пад поўным кантролем Збройных Сіл Украіны, а малыя групы акупантаў, якія праніклі ў пасёлак, іх ужо зачышчаюць.

Гэта пацвярджаецца, у прыватнасці, відэа, якія запісваюць украінскія байцы з цэнтра гэтага населенага пункта, паведамілі ў DeepState.

«Што да сітуацыі з Купянскам-Вузлавым — пасёлак пад поўным кантролем Сіл абароны Украіны. Апошнія дні добрым пацвярджэннем з’яўляюцца штодзённыя відэа ўкраінскага вайскоўца. Ён не толькі без бронекамізэлькі і каскі, але і без шапкі, ходзіць па цэнтры пасёлка», — гаворыцца ў паведамленні. Аналітыкі падкрэслілі, што часам у пасёлак сапраўды пранікаюць малыя групы праціўніка, мэта якіх — інфільтравацца з раёна Пясчанага па чыгунцы ў Купянск-Вузлавы.

«Але іх зачышчаюць, і гэта, на жаль, адбываецца адносна часта, аднак робіцца, каб не дапусціць далейшага назапашвання», — патлумачылі ў DeepState.

Там таксама адзначылі, што сітуацыя па Пятрапаўлаўцы пакуль удакладняецца.

Нагадаем, 27 студзеня Генштаб Узброеных Сіл РФ ілжыва заявіў пра «захоп» Купянска-Вузлавага.