Трамп: Да Ірана накіроўваецца буйная армада караблёў

• 30.01.2026, 23:54

Больш за тую, што была каля берагоў Венесуэлы.

У бок Ірана накіроўваецца буйная армада караблёў — яна большая, чым тая, што была каля берагоў Венесуэлы. Пра гэта заявіў прэзідэнт ЗША Дональд Трамп.

«У нас ёсць вялікая армада, флатылія — называйце як хочаце, — якая накіроўваецца да Ірана проста цяпер, і яна большая, чым тая, што была ў Венесуэле», — заявіў прэзідэнт (відэа апублікавана на YouTube-канале Белага дома). «Спадзяюся, мы заключым здзелку. Калі мы заключым здзелку, будзе добра. Калі мы не заключым здзелку, мы ўбачым, што адбудзецца», — сказаў ён.

Дональд Трамп заявіў, што ўстанавіў для Ірана крайні тэрмін для заключэння ядзернай здзелкі. «Толькі яны ведаюць гэта напэўна», — заявіў амерыканскі прэзідэнт. Ён сказаў, што рашэнне іранскіх уладаў спыніць смяротныя пакаранні пратэстоўцаў сведчыць пра жаданне Тэгерана супрацоўнічаць з Вашынгтонам. «Магу сказаць адно: яны сапраўды хочуць заключыць здзелку», — паведаміў Дональд Трамп.

Прэзідэнта ЗША таксама спыталі, што ён будзе рабіць, калі Іран адмовіцца заключаць здзелку. Аднак Дональд Трамп адмовіўся адказваць на гэтае пытанне. «Я не хачу гаварыць ні пра што, што звязана з тым, што я раблю ў ваенным дачыненні», — сказаў ён.