Кіраўнік Мінфіна ЗША: Іран ліхаманкава пералічвае грошы ў банкі па ўсім свеце

• 30.01.2026, 23:06

Скот Бэсэнт заявіў, што іранскія ўлады вядуць сябе «як пацукі на караблі, што тоне».

Іранскія ўлады ліхаманкава пералічваюць грошы ў банкі па ўсім свеце на тле амерыканскага ціску. Пра гэта заявіў міністр фінансаў ЗША Скот Бэсэнт у сацыяльнай сетцы X.

«Рэжым ліхаманкава пералічвае… сродкі ў банкі і фінансавыя ўстановы па ўсім свеце. Будзьце ўпэўненыя, міністэрства фінансаў прыме меры», — напісаў ён.

Бэсэнт заявіў, што іранскія ўлады вядуць сябе «як пацукі на караблі, што тоне».