Мінскага чыноўніка з ЖКГ абвінавачваюць у хабарніцтве

• 30.01.2026, 21:49

Ён браў грошы за забеспячэнне перамогі фірмы ў дзяржаўных закупках.

Намеснік дырэктара па эксплуатацыі жылфонду і вытворчых пытаннях у адным з ЖКГ Мінска атрымліваў хабар, паведаміла пракуратура Мінска. Грошы браў за забеспячэнне перамогі фірмы ў дзяржаўных закупках.

Са снежня 2022 года па ліпень 2023-га намеснік дырэктара па эксплуатацыі жылфонду і вытворчых пытаннях у адным з ЖКГ горада атрымаў у якасці хабара больш за 5 тысяч рублёў ад прадстаўніка юрыдычнай асобы.

«Абвінавачаны за грашовую ўзнагароду абіраў юрыдычную асобу пераможцам закупак на выкананне работ па аварыйным і бягучым рамонце трубаправодаў і інжынерных сетак і бясперашкодна праводзіў прыёмку выкананых работ», — паведамілі ў пракуратуры Кастрычніцкага раёна сталіцы.

Крымінальная справа аб атрыманні хабара па ч. 1 арт. 430 КК узбуджаная пракуратурай і перададзеная ў Следчы камітэт, камунальніку пагражае да сямі гадоў пазбаўлення волі.