Трампу прадставілі новыя варыянты удараў па Іране

• 30.01.2026, 13:06

Са сухапутным уварваннем.

Прэзідэнту ЗША Дональду Трампу прадставілі некалькі пашыраных сцэнарыяў удараў па Іране, сярод якіх — сухапутнае уварванне.

Пра гэта паведамляе New York Times.

Паводле слоў некалькіх амерыканскіх чыноўнікаў, у апошнія дні прэзідэнту ЗША прапанавалі пашыраны спіс патэнцыйных ваенных варыянтаў дзеянняў супраць Ірана, накіраваных на абясшкоджванне ядзерных і ракетных аб'ектаў краіны або ліквідацыю вярхоўнага лідара Ірана.

Гэтыя варыянты выходзяць за рамкі прапаноў, якія Трамп разглядаў два тыдні таму, калі хацеў спыніць забойствы пратэстоўцаў іранскімі ўрадавымі сіламі бяспекі і звязанымі з імі апалчэннямі.

Бягучы набор варыянтаў нават уключае магчымасць для амерыканскіх войскаў здзяйсняць наземныя рэйды на аб'екты ў Іране.

Паводле прадстаўнікоў Белага дома, Трамп яшчэ не адабрыў ваенныя дзеянні і не выбраў адзін з варыянтаў, прапанаваных Пентагонам. Прэзідэнт застаецца адкрытым для пошуку дыпламатычнага рашэння, і некаторыя чыноўнікі прызналі, што публічныя пагрозы мелі на мэце пабудзіць іранцаў да перамоў.