Лукашэнка спалохаўся, што яго заменіць штучны інтэлект

• 30.01.2026, 17:05

Дыктатар кінуўся шукаць суцяшэння ў тлумачэннях дырэктара завода «Планар».

Лукашэнка пацікавіўся ў кіраўніка завода «Планар» Сяргея Авакава «як спецыяліста ў гэтай галіне», што ён думае наконт развіцця штучнага інтэлекту.

Кіраўнік «высокатэхналагічнага айчыннага прадпрыемства» звярнуў увагу, што «вызначэнне паняцця «штучны інтэлект» пастаянна змяняецца, пераглядаецца, бо тэхналогіі ў гэтай сферы хутка развіваюцца». Авакаў падкрэсліў, што цяпер ШІ — гэта «шырокае паняцце, пэўная сістэма прыняцця рашэнняў».

— Я мяркую, што тыя, хто прыдумаў гэта вызначэнне, мелі на ўвазе, што штучны інтэлект заменіць чалавека, — заўважыў Лукашэнка.

— Не, не заменіць, — перакананы Сяргей Авакаў. Тлумачачы сваю пазіцыю, ён спаслаўся на словы «аднаго з асновапалажнікаў тэхнічнай кібернетыкі Уільяма Эшбі, які ў 50-я гады ХХ стагоддзя напісаў кнігу, у якой разважае пра тое, ці можа машына быць разумнейшай за свайго стваральніка». — Гэтае пытанне і дагэтуль засталося рыторычным.