Audi ўрэзаўся ў дрэва і слуп на праспекце Незалежнасці ў Мінску

• 30.01.2026, 10:37

Вадзіцеля і пасажыра забралі ў бальніцу на абследаванне.

Два чалавекі пацярпелі ў выніку начнога ДТЗ на сталічным праспекце Незалежнасці, паведамілі ў ДАІ, піша «Зеркало».

Аварыя адбылася 30 студзеня. 38-гадовы вадзіцель Audi каля дома № 134 не справіўся з кіраваннем, паводле папярэдняй версіі ДАІ. Аўтамабіль выехаў на сустрэчную паласу, затым выляцеў за межы дарогі і ўрэзаўся ў дрэва, а потым — у ліхтарны слуп.

Вадзіцеля і пасажыра легкавушкі забралі ў бальніцу на абследаванне.

«Папярэдне, аўтамабіліст знаходзіўся ў стане алкагольнага ап'янення», — удакладнілі ў ДАІ.