Зяленскі анансаваў новую сустрэчу з Трампам

• 3.01.2026, 22:06

Перамовы прэзідэнтаў могуць адбыцца ўжо напрыканцы студзеня.

Прэзідэнт Украіны Уладзімір Зяленскі анансаваў новую сустрэчу з амерыканскім лідарам Дональдам Трампам напрыканцы студзеня для абмеркавання мірнага плана.

Пра гэта паведамляе «РБК-Украіна» са спасылкай на заяву прэзідэнта Украіны падчас брыфінгу пасля перамоваў з дарадцамі па нацбяспецы краін-партнёраў.

Паводле яго слоў, заўтра выязджаюць у Еўропу прадстаўнікі генеральных штабоў, начальнікі генеральных штабоў і прадстаўнікі іншых краін ваеннага сектара.

«Пасля гэтага будзе сустрэча лідараў, будуць дапрацаваныя дакументы па бяспецы. Лідары будуць абмяркоўваць шмат розных пытанняў, але фокус — на гарантыях бяспекі і на аднаўленні», — заявіў Зяленскі.

Прэзідэнт дадаў, што падчас гэтых сустрэч адбудуцца сустрэчы з камандай прэзідэнта Трампа, таксама гэтыя сустрэчы будуць у Парыжы.

«Яны будуць суткі, а можа двое сутак. Паглядзім, як пойдзе справа. Пасля гэтага, думаю, мы будзем рыхтавацца да сустрэчы ў ЗША на ўзроўні лідараў у шырокім фармаце. Мы хацелі б, каб усё гэта адбылося на працягу студзеня, да канца студзеня», — заявіў прэзідэнт Украіны.