На Kufar з'явілася паслуга «даедальнік салаты»

• 3.01.2026, 20:24

Жыхар Салігорска прапануе даесці навагоднія закускі — нават леташнія.

Незвычайная аб'ява з'явілася на Kufar у пятніцу, 2 студзеня, піша «Точка».

Карыстальнік прапанаваў даесці салаты і закускі, якія засталіся пасля навагодніх святаў.

«Нават леташнія», — адзначыў аўтар паведамлення.

Ён абазначыў і актуальнасць сваёй прапановы — калі даядаць больш няма сіл.

Цана такой паслугі дамоўная.

Карыстальнік назваўся Дзмітрыем і адзначыў, што знаходзіцца ў Салігорску.

Гэта сёмая аб'ява мужчыны на Kufar — раней ён прадаваў звычайныя рэчы, але ў новым годзе спектр яго прапаноў стаў своеасаблівым.

Пасля аб'явы пра даеданне салатаў ён выклаў паведамленне пра продаж аленевых рагоў. Цана таксама дамоўная.