Трамп: ЗША будуць у Венесуэле да перадачы ўлады

• 3.01.2026, 19:58

Вяртання рэжыму Мадура пад новай назвай не будзе.

Прэзідэнт ЗША Дональд Трамп падчас прэс-канферэнцыі па Венесуэле заявіў, што Злучаныя Штаты будуць дапамагаць новай уладзе ў краіне і забяспечваць бяспечны і справядлівы пераход улады.

«Мы застанемся ў Венесуэле столькі, колькі спатрэбіцца для належнага пераходу ўлады», — адзначыў Трамп, дадаўшы, што ЗША не дапусцяць працяг рэжыму Мадура пад іншым лідарам.

Таксама прэзідэнт ЗША Дональд Трамп на прэс-канферэнцыі заявіў, што Нікалас Мадура спрабаваў уцячы ў бяспечнае месца падчас аперацыі, але не паспеў.

«Было шмат страляніны. Ён хацеў уцячы, спрабаваў дабрацца да бункера, але не паспеў дабегчы да дзвярэй. Нам спатрэбілася 47 секунд, каб узарваць дзверы да яго», — паведаміў Трамп.

Таксама падчас прэс-канферэнцыі па Венесуэле генерал Пентагона Дэн Кейн раскрыў падрабязнасці аперацыі па захопе Мадура.

ЗША задзейнічалі ў аперацыі супраць Венесуэлы 150 самалётаў, паведамляе Пентагон. Прэзідэнт Трамп аддаў загад аб правядзенні аперацыі 2 студзеня ў 22:46 па ўсходнім часе ЗША, а войскі прыбылі ў Каракас каля другой гадзіны ночы.

Вайскоўцы ўпэўнена дзейнічалі ў палацы і захапілі Мадура. Адзін верталёт быў падбіты, а авіяцыя ЗША знішчала сістэмы СПА Венесуэлы, каб спецназ мог выканаць захоп.

Некалькі верталётаў ВПС ЗША атрымалі пашкоджанні, але ўсе вярнуліся на базу ў ЗША, адзначыў генерал Пентагона Дэн Кейн.