Амерыканскі спецназ выцягнуў Мадура са спальні

• 3.01.2026, 18:40

Захоп адбыўся без стратаў з боку амерыканскіх вайскоўцаў.

Прэзідэнта Венесуэлы Нікаласа Мадура і яго жонку Сілію Флорэс амерыканскія сілы выцягнулі са спальні падчас рэйду, які прывёў да іх захопу, паведамілі дзве крыніцы, знаёмыя з сітуацыяй, піша CNN.

Паводле слоў крыніц, сужэнцы былі захопленыя глыбокай ноччу, калі яны спалі.

Рэйд, праведзены элітным падраздзяленнем арміі ЗША Delta Force, прайшоў без стратаў з боку ЗША, паведаміў амерыканскі чыноўнік.

Нагадаем, сёння, 3 студзеня, Злучаныя Штаты Амерыкі нанеслі серыю ўдараў па сталіцы Венесуэлы - Каракасе. У горадзе чуліся выбухі.

Пазней прэзідэнт ЗША Дональд Трамп пацвердзіў, што ЗША паспяхова правялі маштабную аперацыю супраць Венесуэлы. Прэзідэнт Нікалас Мадура разам са сваёй жонкай быў схоплены і вывезены з краіны.