Зборная Беларусі па міні-футболе пакідае Еўра-2026

• 29.01.2026, 21:53

Перамогі не хапіла.

У чацвер, 29 студзеня, у Любляне завяршыліся матчы групы C чэмпіянату Еўропы па міні-футболе.

Зборная Беларусі перамагла гаспадароў турніру – каманду Славеніі. У складзе балканцаў двойчы вызначыўся Буковец, у беларусаў да дубля Казёла гол дадаў Крыкун.

У іншым паядынку дня зборная Іспаніі ўпэўнена перамагла Бельгію – 10:3.

Нягледзячы на поспех у матчы са славенцамі, беларуская каманда не змагла прабіцца ў чвэрцьфінал.

Пасля паразаў ад Бельгіі (0:4) і Іспаніі (0:2) яе шанцы на выхад з групы насілі толькі тэарэтычны характар. Адной з абавязковых умоваў была перамога над Славеніяй з розніцай мінімум у сем мячаў.

Па выніках групавога этапу ў групе C першае месца заняла Іспанія (9 ачкоў), другое – Бельгія (3).

Славенія і Беларусь таксама набралі па тры ачкі, але саступілі па дадатковых паказчыках.

Такім чынам, у чвэрцьфінал турніру з групы C выйшлі зборныя Іспаніі і Бельгіі.

Раней удзел у нокаўт-раундзе забяспечылі сабе Арменія, Украіна, Партугалія, Францыя і Харватыя.

Апошні ўдзельнік 1/4 фіналу вызначыцца ў групе D, дзе а 22:30 сустрэнуцца Італія і Венгрыя.

Абедзве каманды маюць па тры ачкі: італьянцаў задаволіць нічыя, венграм неабходная перамога.