У матчы паміж Сабаленкай і Світолінай не абышлося без скандалу

• 29.01.2026, 14:38

У беларускай тэнісісткі забралі ачко.

У паўфінальным матчы Адкрытага чэмпіянату Аўстраліі паміж беларускай Арынай Сабаленкай і ўкраінкай Элінай Світолінай адбыўся рэдкі скандал.

Пры ліку 2:1 у першым сэце на падачы Світоліны завязаўся абмен ударамі з задняй лініі. Арына прабіла і выдала звыклы стогн, якім суправаджае амаль кожны свой удар.

На гэты раз суддзя спыніла разыгрыш і прысудзіла ачко Світоліне, палічыўшы, што крык Сабаленкі стварыў перашкоду ўкраінцы.

Суддзя пацвердзіла сваё рашэнне, маўляў, пасля першапачатковага стогну Арына выдала гук у сярэдзіне разыгрышу: «Вы выдалі гук «У-у-а-йя». Гэта ненармальны гук».

Матч працягваўся 1 гадзіну 18 хвілін і завяршыўся перамогай беларускі з лікам 6:2, 6:3. Дарэчы, Світоліна пасля паразы зноў не паціснула руку Сабаленцы.