Названая прычына выбуху ў гомельскім шматпавярховым доме

• 29.01.2026, 11:53

Эпіцэнтрам выбуху была кухня адной з кватэр.

Прычыну выбуху ў гомельскай шматпавярхоўцы на вул. Косарава паведаміў журналістам начальнік УСК па Гомельскай вобласці Максім Спрынцын, паведамляе БелТА.

Як паведамлялася, надзвычайная сітуацыя ў дзесяціпавярховым доме на вуліцы Косарава ў Гомелі адбылася 17 снежня. Папярэдняй прычынай была названа ўспышка газапаветранай сумесі ў кватэры на сёмым паверсе. У выніку абрынуліся пліты перакрыццяў кватэр. Была праведзена аператыўная эвакуацыя жыхароў.

«Эпіцэнтрам выбуху была кухня кватэры № 107. Выбуху папярэднічаў пажар, які ўзнік у кухонным шафчыку побач з газавай плітой», — патлумачыў начальнік УСК.

Пазней высветлілася, што загінула жанчына. Яе цела было знойдзена пры разборы будаўнічых канструкцый.

Жыхары пацярпелага пад'езда былі пераселеныя.