Кошт золата працягвае рэкордна расці

• 29.01.2026, 8:20

І набліжаецца да 5600 долараў.

Цэны на золата працягваюць імклівы рост і зноў чарговы раз за апошні час абнавілі гістарычны максімум, перавысіўшы адзнаку 5400 долараў за тройскую унцыю.

Пра гэта паведамляе паведамляе Reuters.

Падчас таргоў у аўторак спотавая цана золата вырасла прыкладна на 2% — да 5 511,79 долараў за унцыю, пасля таго як раней дасягнула рэкорднага ўзроўню 5 591,61 долараў. Такім чынам каштоўны метал працягнуў шматтыднёвы рэкордны трэнд.

Аналітыкі звязваюць рост цэн з павышаным попытам на абарончыя актывы на фоне глабальнай эканамічнай і геапалітычнай нявызначанасці. Сярод ключавых фактараў — рост дзяржаўнага доўгу, напружаная міжнародная абстаноўка, а таксама асцярогі адносна кірунку эканамічнай палітыкі ў шэрагу вядучых краін.

Дадатковую падтрымку рынку золата аказваюць цэнтральныя банкі, якія працягваюць нарошчваць рэзервы, а таксама буйныя інстытуцыйныя інвестары. Паводле слоў удзельнікаў рынку, цікавасць да золата застаецца стабільна высокай, нават нягледзячы на рэкордныя ўзроўні цэн.

Рост зафіксаваны на рынку іншых каштоўных металаў. У прыватнасці, срэбра наблізілася да ўзроўню 120 долараў за унцыю, тады як плаціна таксама дэманструе рэкордныя каціроўкі.

Эксперты адзначаюць, што ў выпадку захавання сучасных глабальных рызык і мяккай грашова-крэдытнай палітыкі вядучых цэнтрабанкаў цэны на золата могуць і надалей заставацца на падвышаных узроўнях.