Пяскоў: У рэзідэнцыях Пуціна не вісяць сумесныя фотаздымкі з Трампам

• 28.01.2026, 19:10

Прэс-сакратар дыктатара РФ адказаў на пытанне пра сумесны фотаздымак Пуціна і прэзідэнта ЗША.

На сценах у рэзідэнцыях дыктатара Расіі Уладзіміра Пуціна не вісяць сумесныя фотаздымкі з прэзідэнтам ЗША Дональдам Трампам, паведаміў прэс-сакратар кіраўніка РФ Дзмітрый Пяскоў у адказ на пытанне выданню «Пад’ём».

Пяскоў адзначыў, што на сценах у рэзідэнцыях Пуціна пераважна вісяць карціны. «У нас няма звычаю вешаць фотаздымкі ў рэзідэнцыях», — сказаў ён.

Раней журналістка PBS Элізабэт Лэндэрс паведаміла, што Трамп павесіў у Белым доме фотаздымак з Пуціным. Здымак быў зроблены на саміце на Алясцы, які адбыўся 15 жніўня 2025 года. На фота два прэзідэнты стаяць у касцюмах у аэрапорце на фоне самалёта.