Літва закрые ўезд фурам з Беларусі з «лішнім» палівам

• 28.01.2026, 17:34

У баках грузавікоў дазволяць не больш за 200 літраў паліва.

Кабінет міністраў Літвы пагадзіўся з прапановай мытнага дэпартамента і ўхваліў забарону на ўезд у краіну аўтамабіляў з РФ і Беларусі, у баках якіх знаходзіцца больш за 200 л паліва, паведаміла прэс-служба ўрада Літвы.

Як сцвярджае дэпартамент, «лішняе паліва», якое знаходзіцца ў баках, зліваюць на продаж. Ён прапанаваў устанавіць норму запраўкі ў 200 літраў.

Паводле дадзеных ведамства, у сярэднім за суткі на тэрыторыю Літвы ўязджаюць каля 200 грузавікоў з расійскай і беларускай рэгістрацыяй, а цягам месяца — 7,1 тысячы. Як падлічыў дэпартамент, калі з адной фуры незаконна зліваецца 500 л дызельнага паліва, то за суткі гэта будзе 100 тысяч літраў. У выніку дзяржава за месяц страціць 2,2 млн еўра ў выглядзе неўплачаных падаткаў.