У «Беларуськалія» з'явіўся сур'ёзны канкурэнт

• 28.01.2026, 9:36

Ён выціскае Беларусь з кітайскага рынку.

Паводле дадзеных Галоўнага мытнага ўпраўлення Кітая, сукупны імпарт краінай калійных угнаенняў склаў 4,03 млрд долараў.

Для параўнання: у 2024 годзе ўвоз калійных угнаенняў абышоўся Кітаю ў 3,80 млрд, піша Myfin.

Расія заняла першае месца па пастаўках, адправіўшы кітайскаму саюзніку ўгнаенняў на суму 1,49 млрд долараў.

Другое месца ў іншага саюзніка — Беларусі. Экспарт нашай краіны на кітайскі рынак склаў 747,2 млн долараў.

Побач апынуўся малады калійны тыгр Лаос. З гэтай краіны Кітай атрымаў угнаенняў у аб'ёме 700 млн долараў.

Буйнымі пастаўшчыкамі ў 2025 годзе сталі Канада (691,5 млн долараў) і Ізраіль (196,6 млн). Таксама важны прадукт завозіўся на кітайскі рынак з Іарданіі, Узбекістана, Германіі, Бельгіі, ЗША і іншых краін.