На тле пратэстаў Байдэн заклікаў усю Амерыку «ўстаць і выказацца»

• 27.01.2026, 23:01

Паводле яго слоў, амерыканцам трэба выступіць супраць несправядлівасці, як жыхары Мінесоты.

Былы прэзідэнт ЗША Джо Байдэн заклікаў «усю Амерыку» «ўстаць і выказацца», як жыхары Мінесоты, з-за канфлікту вакол ICE (Іміграцыйна-мытнай службы). Пра гэта Байдэн напісаў на сваёй старонцы ў X.

Экс-прэзідэнт ЗША заявіў, што тое, што адбылося, супярэчыць фундаментальным каштоўнасцям амерыканцаў. «Мы не тая нацыя, якая расстрэльвае сваіх грамадзян на вуліцах», — адзначыў ён.

Паводле яго слоў, жыхары Мінесоты праявілі стойкасць, выступаючы супраць несправядлівасці.

«Ні адзін чалавек не можа разбурыць тое, за што стаіць і ў што верыць Амерыка, нават прэзідэнт, калі мы — уся Амерыка — паднімемся і выкажамся. Мы ведаем, хто мы такія», — заклікаў Байдэн.

Ён запатрабаваў справядлівага расследавання гібелі двух амерыканцаў.