Беларусь ратыфікавала бязвізавае пагадненне з Аманам

• 27.01.2026, 22:52

Нашы суайчыннікі змогуць перабываць у краіне без візы да 30 дзён.

Лукашэнка падпісаў закон аб ратыфікацыі пагаднення паміж урадамі Беларусі і Амана аб узаемнай адмене віз, паведаміла дзяржаўнае інфармагенцтва БелТА са спасылкай на прэс-службу Лукашэнкі.

Пагадненне прадугледжвае, што ўладальнікаў сапраўдных пашпартоў вызваляць ад атрымання віз для ўезду, выезду і транзіту, калі працягласць іх бесперапыннага перабывання не перавышае 30 дзён з даты ўезду, а сумарная працягласць перабывання ў краіне не перавышае 90 дзён за каляндарны год.