Зяленскі: Атрымліваем добрыя сігналы з Еўропы

• 27.01.2026, 22:15

Еўрапейцы гатовыя больш актыўна ціснуць на РФ.

Прэзідэнт Украіны Уладзімір Зяленскі заявіў у звароце 27 студзеня, што Кіеў цяпер атрымлівае «добрыя сігналы з Еўропы» пра гатоўнасць еўрапейцаў больш актыўна ціснуць на Расію.

«Вельмі важна, каб гэта быў ціск, у прыватнасці, на танкерны флот Расіі, на ўсю інфраструктуру расійскага экспарту нафты. Гэта вельмі дапаможа нам усім у Еўропе, калі расійскія даходы будуць яшчэ больш скарочаныя», – адзначыў Зяленскі.

Ён падкрэсліў, што ў РФ ужо ёсць каласальныя новыя праблемы з федэральным бюджэтам, а таксама з інфляцыяй, з эканамічнымі паказчыкамі.

«Гэта ўсё добрыя, правільныя сігналы для таго, каб мір усё ж такі настаў. Чым для Расіі складаней, тым мір бліжэй», – дадаў Зяленскі.