Курс іранскай валюты ўпаў да рэкордна нізкага ўзроўню

• 27.01.2026, 20:07

Рыял афіцыйна з’яўляецца найменш каштоўнай валютай у свеце.

Курс іранскага рыяла на фоне маштабных пратэстаў у Іране ўпаў да рэкордна нізкага ўзроўню. Пра гэта паведаміў Reuters са спасылкай на даныя сайтаў для адсочвання валют.

Валюта Ірана на працягу многіх гадоў перажывала значную дэвальвацыю з-за санкцыйнага ціску і праблем у эканоміцы, што напрыканцы снежня 2025 года прывяло да масавых пратэстаў па ўсёй краіне.

Іранскі рыял афіцыйна з’яўляецца найменш каштоўнай валютай у свеце. Па стане на 27 студзеня, яго курс на свабодным рынку складае каля 1 468 000 рыялаў за долар ЗША, у той час як афіцыйны субсідаваны дзяржаўны курс — каля 42 тыс. рыялаў за долар.