19FortyFive: «Адмірал Кузняцоў» уяўляе сабой дымлівую груду абломкаў

• 27.01.2026, 19:52

Расійскі крэйсер састарэў яшчэ да выхаду ў мора.

Адзіны расійскі авіяносец «Адмірал Кузняцоў» быў асуджаны ад самага пачатку і ўяўляе сабой «дымлівую груду абломкаў». Пра гэта ў артыкуле для амерыканскага часопіса 19FortyFive напісаў аглядальнік Стыў Балестрыеры.

Аўтар указвае на шэраг тэхнічных праблем карабля, у прыватнасці на састарэлую рухальную ўстаноўку, якая выдзяляе густы чорны дым, і выкарыстанне трампліна для ўзлёту знішчальнікаў. На яго думку, «Адмірал Кузняцоў» састарэў яшчэ да выхаду ў мора.

«Гэты карабель быў асуджаны ад самага пачатку… і цяпер калісьці ганарлівы сімвал савецкіх ваенна-марскіх амбіцый ідзе на металалом. А Расія, верагодна, пакончыць з палубнай авіяцыяй як мінімум на дзесяцігоддзе», — піша Балестрыеры.