Даліна можа пазбавіцца двух кватэр у Латвіі

• 27.01.2026, 19:24

З-за санкцый Еўрасаюза.

Скандальная расійская спявачка Ларыса Даліна можа страціць дзве кватэры ў Юрмале з-за санкцый Еўрапейскага саюза (ЕС). Пра гэта піша Baltnews.

Латвійскі адвакат заявіў журналістам, што Даліна можа пазбавіцца сваёй нерухомасці з-за запазычанасці па камунальных плацяжах. Паводле яго слоў, спробы вырашыць гэтую праблему абыходнымі шляхамі могуць пацягнуць крымінальную адказнасць.

Пра кватэры Ларысы Даліны ў Юрмале стала вядома ў снежні. Тады адвакат Аляксандр Бенхін заявіў, што спявачка можа застацца без нерухомасці агульным коштам 95 млн расійскіх рублёў. Юрыст звярнуў увагу на тое, што артыстка не можа распараджацца гэтымі кватэрамі з-за санкцый. Яны трапілі пад замарозку, з-за чаго спявачка не можа аплаціць рахункі за жыллёва-камунальныя паслугі або прадаць жыллё.

Нядаўна Даліна пазбавілася кватэры ў Маскве. Вярхоўны суд Расіі падчас пасяджэння пастанавіў скасаваць рашэнні трох ніжэйшых інстанцый па справе аб жыллі артысткі ў Хамоўніках, заявіўшы, што права ўласнасці застаецца за пакупніцай, то-бок за Палінай Лур’е.

Да рашэння Вярхоўнага суда артыстка заяўляла, што ў момант здзяйснення здзелкі яна знаходзілася пад уплывам махляроў, з-за чаго, страціўшы грошы, не жадала аддаваць кватэру. 19 студзеня пакупніца скандальнай кватэры Даліны атрымала ключы ад свайго новага жылля, за якое яна заплаціла 112 млн расійскіх рублёў.