У РФ прынялі рашэнне па крэдытах Беларусі

• 27.01.2026, 20:25

Рэжыму Лукашэнкі проста няма чым плаціць па даўгах.

Расійская Дзярждума прыняла рашэнне адносна запазычанасці з боку Беларусі. Мова ідзе пра суму ў $250 млн. Пры гэтым, паводле ацэнак Сусветнага банка, Беларусь усяго вінная $7,62 млрд. Рэжым Лукашэнкі — другі па велічыні даўжнік Расіі пасля Бангладэш.

На гэты раз дэпутаты Дзярждумы ратыфікавалі ўмовы пагаднення паміж урадамі Расіі і Беларусі аб змяненні ўмоў асобных пагадненняў у сферы крэдытнага супрацоўніцтва.

У выніку рэжыму Лукашэнкі далі дазвол на адтэрміноўку плацяжоў на агульную суму ў $250 млн, заявіў намеснік міністра фінансаў РФ Уладзімір Колычэў.

«Паколькі пагадненне прадугледжвае такую растэрміноўку, яно, адпаведна, патрабуе ратыфікацыі», — адзначыў чыноўнік.