Сабаленка сыграе з украінкай Світолінай

• 27.01.2026, 13:08

Гарачы паўфінал Australian Open.

Беларуская тэнісістка Арына Сабаленка сыграе ў паўфінале Australian Open 2026 супраць украінкі Эліны Світолінай.

Першая ракетка свету Арына Сабаленка ў чвэрцьфінале перамагла амерыканку Іву Ёвіч (6:3, 6:0). У сваю чаргу 12-я ракетка Эліна Світоліна не пакінула шанцаў трэцяй ракетцы з ЗША Кока Гаўф (6:1, 6:2).

Матч Сабаленка — Світоліна адбудзецца ў чацвер, 29 студзеня. Суперніцы раней сустракаліся паміж сабой шэсць разоў, і з лікам 5:1 вядзе Сабаленка. Іх апошні матч адбыўся ў 2025 годзе на грунтавым корце Мадрыда — Арына выйграла ў паўфінале ў двух сетах (6:3, 7:5).