ЕС і Індыя заключылі гістарычнае пагадненне аб свабодным гандлі

• 27.01.2026, 11:26

Пасля амаль дваццаці гадоў перамоваў.

Еўрапейскі саюз і Індыя пасля амаль дваццаці гадоў перамоваў заключылі пагадненне аб свабодным гандлі.

Пра гэта гаворыцца на сайце Еўракамісіі.

Прэзідэнт Еўрапейскай камісіі Урсула фон дэр Ляен і кіраўнік Еўрапейскага савета Антоніу Кошта цяпер знаходзяцца з візітам у Нью-Дэлі, дзе разам з прэм'ер-міністрам Індыі Нарэндрам Модзі узгаднілі канчатковы праект пагаднення.

«Мы стварылі зону свабоднага гандлю для 2 мільярдаў чалавек, і абодва бакі маюць намер атрымаць эканамічную выгаду. Мы паслалі свету сігнал, што супрацоўніцтва на аснове правілаў усё яшчэ прыносіць выдатныя вынікі», – заявіла кіраўніца Еўракамісіі.

Пагадненне, між іншым, прадугледжвае паступовае змяншэнне індыйскіх тарыфаў на аўтамабілі з ЕС – з 110% да 10%. Пошліны, што дасягаюць 44% на машынабудаванне, 22% на хімікаты і 11% на фармацэўтычныя прэпараты з ЕС, будуць у асноўным скасаваныя.

Бакі дамовіліся аб адмене або змяншэнні экспартных пошлін на аграпрадаўольчую прадукцыю з ЕС, што адкрывае велізарны рынак для еўрапейскіх фермераў.

Акрамя таго, пагадненне прадаставіць кампаніям ЕС прывілеяваны доступ да індыйскага рынку паслуг, уключаючы ключавыя сектары, такія як фінансавыя паслугі і марскі транспарт.

Цырымонія падпісання дакумента чакаецца ў аўторак, 27 студзеня, падчас візіту службовых асоб ЕС у Індыю.

У далейшым пагадненне павінна быць ухвалена Радай ЕС, а таксама Еўрапейскім парламентам. Парламент Індыі павінен яго ратыфікаваць.