Арына Сабаленка стала першай паўфіналісткай Australian Open

• 27.01.2026, 10:59

Беларуска ў двух сэтах перамагла амерыканку Іву Ёвіч.

Першая ракетка свету Арына Сабаленка выйшла ў паўфінал Адкрытага чэмпіянату Аўстраліі. Яна ў двух сэтах перамагла амерыканку Іву Ёвіч, піша betnews.by.

Сустрэча працягвалася роўна паўтары гадзіны. 27‑гадовая Сабаленка аддала 18‑гадовай суперніцы ўсяго тры геймы.

А.Сабаленка (№1 WTA, Беларусь) — І.Ёвіч (№29 WTA, ЗША) — 6:3, 6:0

Арына адбіла ўсе пяць брэйк‑пойнтаў, якія мела суперніца. Яна рэалізавала ўжо першы матчбол.

За права згуляць у фінале беларуска паспрачаецца з найлепшай з пары Эліна Світоліна — Коры Гаўф.