Энергасістэму Беларусі перавялі ў стан падвышанай гатоўнасці

• 26.01.2026, 23:54

У краіне чакаецца моцны снегапад.

Энергасістэму Беларусі перавялі ў стан падвышанай гатоўнасці ў чаканні снегападу. Пра гэта паведамляе «Белэнерга» ў сувязі з пагаршэннем надвор'я.

У цяперашні час сфармавана каля 670 брыгад для ліквідацыі магчымых пашкоджанняў, падрыхтавана больш за 720 адзінак спецыяльнай тэхнікі, праверана каля 300 дызель-генератарных установак.

Тэхнічны персанал пераведзены на ўзмоцнены рэжым працы, арганізаваны кругласутачны маніторынг сітуацыі.

Сіноптыкі абвясцілі аранжавы ўзровень небяспекі на аўторак, 27 студзеня: чакаюцца моцны снег, галалёд і слізкія дарогі.