Сабаленка згуляе пры 40-градуснай спякоце на Адкрытым чэмпіянаце Аўстраліі супраць Ёвіч

• 26.01.2026, 20:09

Анамальная спякота ў Мельбурне выпрабоўвае на трываласць гульцоў і гледачоў.

27 студзеня, у дзень чвэрцьфінальнага матча Адкрытага чэмпіянату Аўстраліі з удзелам беларускай тэнісісткі Арыны Сабаленкі, слупок тэрмометра ў Мельбурне падымецца да 40 градусаў спякоты.

Анамальная спякота ў Мельбурне выпрабоўвае на трываласць гульцоў і гледачоў. 27 студзеня будзе яе пік — абяцаюць 40 градусаў, а можа і больш.

У гэты дзень першая ракетка свету беларуска Арына Сабаленка згуляе з 27-й ракеткай, 18-гадовай Івай Ёвіч з ЗША. Іх матч запланаваны на 11.30 (3.30 па беларускім часе) на цэнтральнай «Арэне Рода Лэйвера».