Генсек НАТА заклікаў ЕС дазволіць Украіне закупляць зброю на яе меркаванне

• 26.01.2026, 19:32

Марк Рутэ заклікаў не быць празмерна абмежавальнымі ў дачыненні да прынцыпу «купляй у ЕС».

Еўрасаюз павінен праявіць гібкасць у тым, як Украіна траціць выдзеленыя па крэдыце грошы на ўзбраенне. Пра гэта заявіў генеральны сакратар НАТА Марк Рутэ у парламенце ЕС у Бруселі. Ідзе гаворка пра крэдыт у €90 млрд, пагадненне аб якім зацвердзіла Еўракамісія. Трансляцыю вёў тэлеканал DRM News.

«Я настойліва заклікаю вас забяспечыць гібкасць у расходаванні гэтых сродкаў і не быць празмерна абмежавальнымі ў дачыненні да прынцыпу «купляй у ЕС», — сказаў спадар Рутэ. Ён адзначыў, што ў ЕС цяпер няма столькі зброі, якую Украіна можа набыць «для самаабароны сёння і стрымлівання заўтра». Па яго словах, без плыні зброі з ЗША краіны блоку не змогуць падтрымаць украінскую армію.

ЕК зацвердзіла пагадненне аб прадастаўленні крэдыту Украіне 14 студзеня. Выдзеленыя сродкі будуць падзелены на дзве часткі: €60 млрд пойдуць на ваенныя закупы, €30 млрд — на падтрымку бюджэту краіны. Паводле слоў кіраўніцы ЕК Урсулы фон дэр Ляен, першыя плацяжы па крэдыце Украіна атрымае ў красавіку 2026 года.