Ізраіль вярнуў цела апошняга загінулага закладніка ХАМАСа

• 26.01.2026, 19:07

Яго цела выявілі на кладбішчы ў ўсходняй частцы горада Газы.

Ізраільскія вайскоўцы выявілі і ідэнтыфікавалі цела апошняга закладніка ХАМАСа на кладбішчы ва ўсходняй частцы горада Газы — старшага сяржанта Рана Гвілі, піша The Times of Israel. Гвілі быў апошнім закладнікам, якога яшчэ не вярнулі на радзіму.

Прэм’ер-міністр Біньямін Нэтаньягу заявіў, што вяртанне цела сяржанта «з’яўляецца выдатным дасягненнем для Ізраіля». «Мы абяцалі, і я абяцаў, вярнуць усіх, і мы вярнулі ўсіх», — падкрэсліў ён, назваўшы Гвілі «героем Ізраіля».

Мінулымі выхаднымі Армія абароны Ізраіля (ЦАХАЛ) пачала эксгумацыю сотняў целаў на мусульманскім кладбішчы ў Газе ў пошуках цела апошняга закладніка; было праведзена даследаванне каля 250 з іх. Цела Гвілі цяпер дастаўляюць назад у Ізраіль для пахавання.

Гвілі — 24-гадовы паліцэйскі, ён загінуў, абараняючы кібуц Алумім на поўдні Ізраіля падчас нападу ХАМАС 7 кастрычніка 2023 года. Тады было захоплена 251 закладнік.