Долар, юань і расійскі рубель пайшлі ўверх

• 26.01.2026, 14:00

Беларускі рубель здае.

Амерыканская, кітайская і расійская валюты падаражэлі па выніках таргоў на Беларускай валютна-фондавай біржы 26 студзеня 2026 года.

Курс долара павялічыўся да 2,8451 рубля (+0,04%; +0,0011), юаня — да 4,0819 рубля за 10 (+0,13%; +0,0055), расійскага рубля — да 3,7456 рубля за 100 (+0,12%; +0,0045).

Еўра, наадварот, патаннеў — да 3,381 рубля (-0,29%; -0,01).

Па выніках мінулага працоўнага тыдня (19–23 студзеня) долар знізіўся на 1,93% — з 2,9001 да 2,844 рубля, юань — на 1,81% (з 4,1516 да 4,0764 рубля за 10). Курс расійскага рубля за гэты перыяд вырас на 0,63% — з 3,7176 да 3,7411 рубля за 100.