Лукашэнка прыніжаецца перад Модзі

• 26.01.2026, 13:47

Дыктатар просіць пра сустрэчу амаль сем гадоў.

Лукашэнка дамагаецца сустрэчы з прэм’ер-міністрам Індыі Нарэндрам Модзі. Чарговую надзею на аўдыенцыю дыктатар выказаў у віншаванні, якое накіраваў індыйскаму лідару з нагоды Дня Рэспублікі.

Ён таксама «выказаў надзею на сустрэчу з Нарэндрам Модзі ў межах саміту БРІКС».

Нагадаем, аўдыенцыі ў Модзі Лукашэнка дамагаецца як мінімум з 2019 года. Пра свае просьбы арганізаваць сустрэчу ён рэгулярна нагадвае ў тэлеграмах, якія ён дасылае ў Нью-Дэлі з розных нагод.

Варта адзначыць, што Мінск умацоўвае ваеннае супрацоўніцтва з галоўным ворагам Індыі — Пакістанам.