Украіна нанесла ўдар ракетамі «Фламінга» па важным для РФ заводзе ў Белгарадзе

• 26.01.2026, 9:31

Найбольшая зона разбурэнняў склала 25 метраў.

У Белгарадзе па падрадчыку вытворчасці расійскіх ваенных самалётаў былі нанесены чатыры ўдары ўкраінскімі ракетамі «Фламінга». Пра гэта паведамілі OSINT-аналітыкі праектаў «КіберБорошно» і Exilenova+.

Адзначаецца, што ўдары былі нанесены па прадпрыемстве ТАА «СКІФ-М» 23 верасня 2025 года. Спадарожнікавыя здымкі пацвердзілі, што ўсе чатыры ракеты трапілі ў мэту.

Аналітыкі нагадалі, што расіяне заяўлялі, нібыта з чатырох ракет да прадпрыемства даляцела толькі адна. Аднак, паводле спадарожнікавых здымкаў, 4 з 4 ракет дасягнулі раёну мэты, а радыус адхілення складае менш за 80 метраў. Найбольшая зона разбурэнняў склала 25 метраў.

«Гэта не адпавядае версіі пра «адно траплянне» — гэта падобна на спробы прыменьшыць наступствы», — падкрэслілі аналітыкі.

Аналітыкі падзяліліся, што «СКІФ-М» — гэта высокатэхналагічны вытворца спецінструмента для апрацоўкі тытану, алюмінію і кампазітаў. Да 70% прадукцыі прадпрыемства прызначана для аэракасмічных матэрыялаў у ланцугу вытворчасці самалётаў Міг, а таксама Су-34/35/57.