На літоўска-беларускай мяжы аднавілі афармленне грузавікоў

• 26.01.2026, 9:05

Перапынак працягваўся дзве суткі.

На літоўска-беларускай мяжы 26 студзеня аднавілі афармленне грузавікоў. Пра гэта паведаміў беларускі Дзяржаўны памежны камітэт.

«Літоўскія кантрольныя службы аднавілі ў поўным аб’ёме афармленне грузавых транспартных сродкаў», — паведамілі беларускія памежнікі.

Нагадаем, удзень 24 студзеня літоўскі бок прыпыніў ўезд фур у пункт прапуску «Мядзінінкай» з-за праблем у працы праграмнага забеспячэння мытных баз.

25 студзеня Дзяржаўны мытны камітэт паведаміў, што «літоўскі бок дагэтуль не афармляе грузавікі ў пунктах прапуску, сумежных з беларускімі «Каменны Лог» і «Беняконі».

Афармленне легкавых аўтамабіляў і аўтобусаў працягвалася.