Сын Севярынца ўразіў Зяленскага на цырымоніі ў гонар паўстанцаў Каліноўскага

• 26.01.2026, 10:04

Хлопчык трымаў у руках два сцягі.

У ўрачыстых мерапрыемствах у Вільні ў гонар паўстанцаў 1863 года ўзялі ўдзел прэзідэнты Літвы, Польшчы і Украіны Гітанас Наўседа, Кароль Навроцкі, Уладзімір Зяленскі.

Нядаўна вызвалены палітык Павал Севярынец прыйшоў на мерапрыемства са сваім сынам. Фатограф зафіксаваў Францішка з двума сцяжкамі, якія ён трымаў у руцэ — беларускім і ўкраінскім.

Яго бацька Павал расказаў, што Уладзімір Зяленскі звярнуў увагу на гэтыя сцяжкі і адрэагаваў на іх.

— Калі прэзідэнты выходзілі з Катэдры, Уладзімір Зяленскі заўважыў беларускі і ўкраінскі сцяжкі і паказаў Францішку вялікі палец, узняты ўгару, — напісаў Севярынец.