Дроны атакавалі НПЗ у Славянску-на-Кубані

• 26.01.2026, 8:21

БПЛА прыляцелі з Азоўскага мора.

У ноч на 26 студзеня жыхары Славянска-на-Кубані ў Краснадарскім краі Расіі скардзіліся на серыю магутных выбухаў. У горадзе перад гэтым абвясцілі трывогу з-за пагрозы беспілотнікаў, піша «Фокус».

Пад ударам у рэгіёне гэтай ноччу мог апынуцца Славянскі нафтаперапрацоўчы завод (НПЗ). Пра гэта паведамілі маніторынгавыя каналы.

«Славянск-на-Кубані: працягваецца атака на мясцовы НПЗ. Краснадарскі край», — гаворыцца ў паведамленні.

Паводле інфармацыі расійскіх медыя, выбухі ў горадзе прагрымелі пасля 01:00. Усяго відавочцы налічылі каля 5–7 магутных выбухаў. У небе бачылі яркія ўспышкі падчас атакі дронаў і чулі працу расійскай супрацьпаветранай абароны.

«Паводле слоў відавочцаў, варожыя дроны працягваюць ляцець з боку Азоўскага мора, перыядычна чутны моцны гул і страляніна», — паведамляюць у мясцовых пабліках.

Варта адзначыць, што перад гэтым у аэрапорце Краснадара «Росавіацыя» ўвяла план «Кавёр», які прадугледжвае абмежаванні на пасадку і вылет самалётаў.

Мясцовыя ўлады пацвердзілі атаку беспілотнікаў на Славянск-на-Кубані. Расіяне заяўляюць, што ў выніку абстрэлу ў горадзе пашкоджаныя як мінімум тры жылыя дамы. Адзначаецца, што ў іх выбіла вокны, а таксама пашкоджанні атрымала кроўля.