Украінскі дэпутат ад «Слугі народа» загінуў у ДТЗ

• 25.01.2026, 22:05

Нардэп на квадрацыкле урэзаўся ў маршрутку.

Народны дэпутат Украіны ад партыі «Слуга народа» Арэст Саламаха загінуў у аварыі. Увечары ў нядзелю, 25 студзеня, у Сокольніках пад Львовам ён на квадрацыкле выехаў на сустрэчную паласу руху і на хуткасці урэзаўся ў маршрутку. Пра гэта паведамляе lviv.media.

34‑гадовага Арэста Саламаху шпіталізавалі ў бальніцу ў Львове ў крытычным стане. Дэпутата двойчы рэанімавалі, аднак ён памёр.

На апублікаваных у сетцы фота бачна, што ў выніку лабавога сутыкнення ў маршруткі пашкоджаны бок кіроўцы. Таксама пярэдняя частка квадрацыкла атрымала істотныя пашкоджанні.

Наконт іншых пацярпелых у аварыі інфармацыі пакуль няма.

Саламаха ў 2020 годзе ўвайшоў у раду Львоўскай абласной партыі «Слуга народа».

Падчас прэзідэнцкіх выбараў 2019 года Саламаха быў даверанай асобай будучага прэзідэнта Уладзіміра Зяленскага.

Да 2019 года працаваў у кампаніі свайго цесця ТАА «Буд Інвест Ком», якая займаецца забудовай; працаваў менеджарам па пастаўках, намеснікам дырэктара па будаўніцтве і дырэктарам кампаніі.