150-кілаграмовы Лукашэнка зусім аслаб

• 25.01.2026, 12:50

Дыктатар перайшоў на трохдзёнку.

На гэтым тыдні Лукашэнка з'яўляўся на публіцы ў панядзелак, аўторак і чацвер.

На пераход Лукашэнкі на трохдзённы тыдзень звярнуў увагу канал «Вячэрні дафамін»:

«У астатнія дні падначаленыя рабілі выгляд, што ён імі камандуе. Вось нават цэлую брыгаду па трывозе паднялі — нібыта па асабістым распараджэнні Лукашэнкі.

Нагадаем, чым займаўся ў гэтыя тры дні правіцель.

У панядзелак, 19 студзеня, сустракаўся з губернатарам Кіраўскай вобласці. На гэтай сустрэчы Лукашэнка прапаноўваў …супрацоўнічаць краінам ЕС з Беларуссю: «…Чаму мы каса глядзім адзін на аднаго? Аднак ёсць адно «але»: «Беларусь і Расію дзяліць не трэба». Прадстаўнікоў ЕС у Палацы незалежнасці не было, і, відаць, правіцель гаварыў сам з сабой.

Яшчэ Лукашэнка звяртаўся да ўкраінцаў, якія таксама на яго сустрэчы з расійскім губернатарам не прысутнічалі.

Сімвалічна, што ў той жа дзень правіцель падпісаў указ аб павышэнні працоўных пенсій.

У аўторак, 20 студзеня, Лукашэнка ўрачаў сімвалы Дзяржаўнага знака якасці ў Мінскім міжнародным выставачным цэнтры.

Даў даручэнне дырэктару «БЕЛДЖИ» зрабіць стоадсоткава ўласны аўтамабіль і прыняў сертыфікат на рэстайлінгавы BELGEE X50+.

У гэты ж дзень ён прыняў запрашэнне Трампа і падпісаў дакумент аб далучэнні Беларусі да Савета Міру, а таксама расказаў журналістам, што не збіраецца плаціць за гэта мільярд.

У сераду, 21 студзеня, прэс-служба правіцеля не паведамляла пра яго працоўны графік.

У чацвер, 22 студзеня, Лукашэнка ўрачаў дыпломы доктара навук і атэстаты прафесара, а пасля абвясціў пра прызначэнне новых пасла Беларусі ў Расіі і міністра фінансаў.

У пятніцу, 23 студзеня, правіцель падняў тарыфы на паслугі ЖКГ. Таксама па яго даручэнні «адно з механізаваных злучэнняў прыведзена ў баявую гатоўнасць у рамках маштабнай праверкі баявой гатоўнасці Узброеных Сіл Беларусі». На людзях Лукашэнка не з'яўляўся — ні сустрэч, ні рабочых візітаў, ні інтэрв'ю свайму пулу.

І гэты чалавек вучыў беларусаў «прыходзіць на працу і працаваць з раніцы да ночы».