У пункце пропуску на літоўска-беларускай мяжы спынілі афармленне грузавікоў

• 24.01.2026, 18:01

Што адбылося?

У пункце пропуску «Medininkai» («Каменны Лог») на літоўска-беларускай мяжы прыпынена афармленне грузавікоў. Пра гэта паведамляе Дзяржаўны пагранічны камітэт.

«Удзень 24 студзеня літоўскім бокам прыпынены ўезд фур у пункт пропуску «Medininkai». Гэта звязана з праблемамі ў працы праграмнага забеспячэння мытных баз. Папярэдне рух адновіцца не раней за 20:00», — паведамілі пагранічнікі.

Легкавыя аўтамабілі і аўтобусы ў пункце пропуску працягваюць афармляць.