У Гомелі заўважылі сакуру, што квітнее ў мароз

• 24.01.2026, 15:17

Відэафакт.

Жыхарка Гомеля зняла незвычайнае відэа, на якім бачна, як у горадзе зацвіло дрэва, падобнае да сакуры. І гэта ў мароз, пры тэмпературы −15°C! Відэа апублікаваў блогер «Кокобай», заўважыў «Онлайнер».

Сакура — дэкаратыўная японская вішня, якая ў сваёй роднай Японіі квітнее штогод увесну, звычайна з канца сакавіка да пачатку красавіка, а пік яе квітнення прыпадае на першыя тыдні красавіка. Менавіта гэты перыяд лічыцца традыцыйным часам ханамі — калі людзі збіраюцца пад дрэвамі, каб назіраць за кветкамі.

У Беларусі сакуру таксама можна сустрэць у некалькіх гарадах, уключаючы Мінск, і найчасцей веснавае квітненне прыходзіцца на сярэдзіну — другую палову красавіка, то бок прыкладна на месяц пазней за японскі цыкл, што абумоўлена больш халодным кліматам. Але, здаецца, часы змяніліся, і цяпер нават сакура спрабуе адаптавацца да маразоў.