Літва не прапускае грузавікі праз пункт пропуску Мядзінінкай

• 24.01.2026, 14:43

У чым справа?

З-за праблем у працы праграмнага забеспячэння мытных баз Літва прыпыніла ўезд грузавікоў праз пункт пропуску Мядзінінкай (з беларускага боку — Каменны Лог), паведамляе прэс-служба Дзяржаўнага памежнага камітэта Беларусі.

«Папярэдне, рух адновіцца не раней за 20:00, — гаворыцца ў паведамленні. — Афармленне легкавых аўтамабіляў і аўтобусаў працягваецца ў штатным рэжыме».

Дзяржаўны памежны камітэт рэкамендаваў грузаперавозчыкам «урахоўваць дадзеную інфармацыю пры планаванні паездак у Літву» і сачыць за сітуацыяй перад беларускімі пунктамі пропуску на інфармацыйным партале ведамства.